2 réponses à ce sujet

[hellgihem]

Poésie Harley Davidson

Je viens vous faire partager cette petite perle perle écrite par Bernard BARALLE, auteur patoisant.
...
Ch’tour in moto autour del l’plache Carnot

Ch’patron de ch’café d’l’Horloche,
Tiot Guy, ch’est eune sacrée caboche,
Quind i’a quet’cose dins l’ciboulot
I faut tout d’suite qu’cha d’vienne rigolo.
V’là ti pas qu’il il prind chelle drôle d’idée,
De m’faire faire un tour ed bidet.
Oh ! Pas aveucq un viux qu’vau
Mais tout bonnement aveucq.... eune moto.

Et pas n’importe ell’quelle, eune Harley Davidson
Rin qu’cha, elle pus belle dame, in somme
Ed toutes chés motos, chelle que Brigitte Bardot
A mis in canchon, dins sin numéro.

I m’fout ch’casque d’sus m’vieille tiète
Et me v’là ligoté comme eune biête
Derrière ech’ sièche. Mi fier comme Artaban
J’lèfe min pou.ce, in signe ed cotint’ment !

Et tous chés clients qui buvottent leu’ chope trinquill’ment
S’ mettent à sortir, à queurir, leu’gueule infarinée
Ed vir ech’ vieux pépé, qui va bétôt s’casser l’nez

Cha a décollé comme eune balle,
V’là celle moto qui s’imballe,
Mi, j’m’accroche à ch’Martial,
Qui crot que j’suis au bal,
Qui accélère pou’que s’moto m’trimballe !
Ch’Vincent a pris l’photo,
J’l’ai intr’aperçu faire sin numéro.
J’n’ai pas eu l’timps d’souffler
J’serros les fesses pou’pas pêter
Ed’trouille, bin intindu
Je n’veyos mimme pus défiler chés rues.

MORALITE :

A m’n’ache, je m’dis qu’la vie est si bielle
Qui faut in profiter, comme eune hirondelle
Si comme mi, vous n’craignez point l’ridicule
Faites in tour in moto, ch’est bon pou’l’vésicule
Bin qu’cha vous s’couera... vos testicules !

Bernard BARALLE

[jullien]

mais je n'ai pas compris grand chose le patoit moi j'aime bien,faut le garder,c'est necessaire!!

[soleil-7020]

Si comme mi, vous n’craignez point l’ridicule
Faites in tour in moto, ch’est bon pou’l’vésicule
Bin qu’cha vous s’couera... vos testicules !